Tag: សន្តិសុខសង្គម

ភ្នំពេញ អ្នកនាំពាក្យក្រសួងមហាផ្ទៃ បានបញ្ជាក់ឱ្យដឹងថា កម្លាំងនគរបាល និងសមត្ថកិច្ចគ្រប់មូលដ្ឋានទូទាំងប្រទេស នឹងបន្តសកម្មភាពបង្ក្រាបក្មេងទំនើងយ៉ាងម៉ឺងម៉ាត់តែម្ដង ដោយមិនដកដៃឡើយ ជាពិសេសនៅក្នុងឱកាសពិធីបុណ្យចូលឆ្នាំថ្មីប្រពៃណីជាតិ កាន់តែខិតជិតចូលមកដល់ ដើម្បីឱ្យក្រុមដែលប្រព្រឹត្តសកម្មភាពទំនើងទាំងអស់នោះបានស្ថិតនៅក្រោមសំណាញ់ច្បាប់ ពោលគឺបញ្ជូនទៅពន្ធនាគារ និងឋិតក្នុងការឃុំខ្លួន ចៀសវាងពួកគេមានឱកាសប្រព្រឹត្តសកម្មភាពទំនើង អុកឡុករំខានសន្តិសុខ សណ្ដាប់ធ្នាប់សាធារណៈ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ៕

ភ្នំពេញ៖ មន្ទីរប្រឆាំងគ្រឿងញៀន បានបញ្ជាក់ឱ្យដឹងថា កាលពីថ្ងៃទី៣១ ខែមីនា ឆ្នាំ២០២៥ កម្លាំងជំនាញ(ក១០) នៃមន្ទីរប្រឆាំងគ្រឿងញៀន ដឹកនាំដោយលោកឧត្តមសេនីយ៍ត្រី ស៊ុ ណារ៉ាក់ នាយករងមន្ទីរ, និង លោក វរសេនីយ៍ទោ ផៃ កុសល នាយរងការិយាល័យ បានសហការជាមួយកម្លាំងជំនាញនៃស្នងការដ្ឋាននគរបាលខេត្តកណ្តាល ដឹកនាំសម្របសម្រួលពីលោក ខា ផែនណា ព្រះរាជអាជ្ញារង នៃអយ្យការអមសាលាដំបូងខេត្តកណ្តាល ដោយបានស្រាវជ្រាវតាមជំនាញបង្ក្រាបក្រុមឧក្រិដ្ឋជនជួញដូរសារធាតុញៀន នៅក្នុងភូមិសាស្ត្រខេត្តកណ្តាល។ ប្រតិបត្តិការនេះ ជាលទ្ធផលកម្លាំងជំនាញចាប់ខ្លួនជនសង្ស័យចំនួន១នាក់ ជាជនជាតិចិន ព្រមទាំងរឹបអូសបានគ្រឿងញៀនសរុបទម្ងន់ ៥គីឡូ ៩៧៦ក្រាម។ បច្ចុប្បន្ន ជនសង្ស័យ និងវត្ថុតាងខាងលើត្រូវបានសមត្ថកិច្ចជំនាញនៃមន្ទីរប្រឆាំងគ្រឿងញៀន កសាងសំណុំរឿង បញ្ជូនទៅកាន់អយ្យការអមសាលាដំបូងខេត្តកណ្តាល តាមនីតិវិធី៕

ខេត្តឧត្តរមានជ័យ ៖ ដោយសារតែទប់កំហឹងមួយឆាវមិនបាន បុរសជាប្តីបានដុតបំផ្លាញផ្ទះខ្លួនឆេះខ្ទេច ព្រោះតែប្រពន្ធរត់ទៅដេកផ្ទះអ្នកជិតខាង ដើម្បីគេចពីប្តីវាយធ្វើបាប។ ហេតុការណ៍នេះកើតឡើងនៅម៉ោងជាង១ រំលងអធ្រាត្រឈានចូលថ្ងៃទី២៥ ខែមីនា ឆ្នាំ២០២៥ ស្ថិតនៅភូមិកូនដំរី សង្កាត់សំរោង ក្រុងសំរោង ខេត្តឧត្តរមានជ័យ។ ជនសង្ស័យជាប្តី មានឈ្មោះ ភាន់ ជា អាយុ៤២ឆ្នាំ។ រីឯប្រពន្ធឈ្មោះ វី ស៊ីណែត អាយុ៣៣ឆ្នាំ មានទីលំនៅភូមិ សង្កាត់កើតហេតុខាងលើ៕

ជនសង្ស័យម្នាក់ត្រូវសមត្ថកិច្ច ចាប់ខ្លួន ក្រោយបង្កើត Facebook Page ក្លែងក្លាយ ដើម្បីបោកប្រាស់អ្នកដទៃ ក្រោមរូបភាពផ្គត់ផ្គង់សាច់តាមហាង តែនៅពេលទទួលលុយកក់ហើយ បានប្រើគ្រប់មធ្យោបាយដើម្បីផ្ដាច់ទំនាក់ទំនងជាមួយជនរងគ្រោះ ក្នុងនោះមានទាំងជនបរទេសផងដែរដែលរងគ្រោះ។ ជនសង្ស័យដែលកម្លាំងជំនាញចាប់ខ្លួនឈ្មោះ គឹម រដ្ឋា អាយុ៣៧ឆ្នាំ មានទីលំនៅនៅភូមិខ្នាចខាងជើង ឃុំបឹងត្រាញ់ខាងជើង ស្រុកសំរាង ខេត្តតាកែវ។ សម្រាប់ទំនាក់ទំនងក្នុងការដាក់ពាក្យបណ្ដឹង សូមទូរស័ព្ទទៅកាន់លេខទូរស័ព្ទ Hotline របស់ការិយាល័យនីតិវិធី 010 665 675៕

នៅថ្ងៃទី១៧ ខែមីនា ឆ្នាំ២០២៥ វេលាម៉ោងប្រហែល១៩:៣៥នាទី កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការស្រាវជ្រាវឃាត់ខ្លួនជនសង្ស័យ០២នាក់ពីបទលួច (លួចម៉ូតូ០១គ្រឿងម៉ាក SUZUKI NEX ) ស្រាវជ្រាវឃាត់ខ្លួនជនសង្ស័យឈ្មោះ តាំង ឃុនលី នៅចំណុចផ្លូវលេខ២៧១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ និងបន្តស្រាវជ្រាវឃាត់ខ្លួនជនសង្ស័យម្នាក់ទៀត ឈ្មោះ រស់ ឌីម៉ង់ នៅចំណុចបូរីកំបូល៣ ផ្ទះលេខ១៤ ផ្លូវលេខ០៥B ស្រុកអង្គស្នួល ខេត្តកណ្តាល នៅថ្ងៃទី១៧ ខែមីនា ឆ្នាំ២០២៥ វេលាម៉ោងប្រហែល ២៣:០៥នាទីយប់ ដែលនិងប្រព្រឹត្តបទល្មើសនៅចំណុចមុខផ្ទះលេខ៩០៦ ផ្លូវលេខ១២៨ ក្រុមទី១៩ ភូមិ០៥ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ កាលពីថ្ងៃទី១០ ខែមីនា ឆ្នាំ២០២៥ វេលាម៉ោងប្រហែល២៣:៥២នាទីយប់។ *ជនសង្ស័យ: -ទី១ ឈ្មោះ តាំង ឃុនលី ហៅ អាតឿ...

នៅវេលាម៉ោង១៧:៣៥នាទីល្ងាច ថ្ងៃទី២៧ ខែកុម្ភៈ ឆ្នាំ២០២៥ មានករណីអគ្គិភ័យមួយ​កន្លែងកើតឡើងនៅចំណុចឃ្លាំងផលិតនិងស្តុបសម្ភារពូក ស្ថិតនៅ ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ។ ហេតុការណ៍​អគ្គិភ័យឆាបឆេះនេះ សមត្ថកិច្ចកំពុងធ្វើការស្រាវជ្រាវ។ អគ្គិភ័យនេះធ្វើឱ្យឆេះឃ្លាំងទំហំ ៤៥ម៉ែត្រ X ៥៥ម៉ែត្រ ចំនួន០១ឃ្លាំង, ម៉ូតូ ចំនួន០៥គ្រឿង រួមទាំងសម្ភារស្តុបក្នុងឃ្លាំងអស់ទាំងស្រុង ហើយឆេះរាលដល់ផ្ទះថ្ម ចំនួន០១ខ្នង (ខូចខាត ១០%) ។ នៅវេលាម៉ោង២០:១០នាទីយប់ ថ្ងៃទីខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ២០គ្រឿង ប្រេីប្រាស់ទឹកអស់ ចំនួន៤០ឡាន ស្មើរនឹង ១៦០ម៉ែត្រគូប, រថយន្តអគ្គិភ័យក្រសួងមហាផ្ទៃចំនួន ០៤គ្រឿង ប្រើប្រាស់អស់ ចំនួន ០១ឡាន ស្មើនឹង ០៦ម៉ែត្រគូប, រថយន្តអគ្គិភ័យកងពលតូចលេខ៧០ ចំនួន០៤គ្រឿង ប្រើប្រាស់អស់ ចំនួន០៦ឡាន ស្មើនឹង ៦០ម៉ែត្រគូប, រថយន្តអគ្គិភ័យក្រមហ៊ុនស្រាបៀរកម្ពុជា ចំនួន០១គ្រឿង ប្រើប្រាស់អស់ ចំនួន០១ឡាន...

ភ្នំពេញ ៖ នាយកដ្ឋនាប្រឆាំងបទល្មើសបច្ចេកវិទ្យា កាលពីពេលថ្មីៗនេះ បានសង្កេតឃើញថា មានជនអនាមិកបានបង្ហោះផ្សព្វផ្សាយ តាមប្រព័ន្ធទំនាក់ទំនងសង្គមហ្វេសប៊ុកខ្លឹមបោកបញ្ឆោត ក្នុងគោលបំណងទាញយកព័ត៌មានសម្ងាត់របស់យើង និងលួចយកគណនីនោះទៅប្រព្រឹត្តិបទល្មើសផ្សេងៗ ដោយមិនដឹងខ្លួន៕

ភ្នំពេញ ៖ បុរសមិត្តប្រុសខឹងនារីមិត្តស្រីសុំចែកផ្លូវគ្នាហើយខ្លួនខឹងមានអារម្មណ៍មិនសុខចិត្តប្រកាន់គំនិតខ្លួនមិនបានមិនអោយអ្នកផ្សេងបានយកកាំបិតបុ័ងតោទៅហាងមិត្តស្រីនិងអូសដៃចេញមក្រៅកាប់ជនរងគ្រោះចំក្បាលចំនួន២កាំបិត បណ្ដាលរហូបឈាមរបួសធ្ងន់ ហើយជនសង្ស័យជិះម៉ូតូ និងកាំបិតរត់គេចពីកន្លែងកើតហេតុ ទៅដល់ស្ពានព្រែកសំរោងជនសង្ស័យលោតទឹកសម្លាប់ខ្លួនតែបានអ្នកនេសាទស្រង់ឡើងលើគោកគ្រួសារលើកជនសង្ស័យដាក់កង់បីសមត្ថកិច្ចឃាត់នាំយកមកប៉ុស្តិ៍សាកសួរនាំហេតុការណ៍កើតឡើង កាលវេលាម៉ោង១និង០០នាទីរសៀលថ្ងៃទី១៣ ខែ កុម្ភ: ឆ្នាំ ២០២៥នៅចំណុចហាងចរណ៍លក់ត្រីសាម៉ុន តាមផ្លូវជាតិលេខ១ ស្ថិតនៅភូមិព្រែកជាងព្រុំ សង្កាត់ ព្រែកឯង ខណ្ឌច្បារអំពៅ៕

កម្លាំងសមត្ថកិច្ច ប្រឆាំងបទល្មើសសេដ្ឋកិច្ចខេត្តក្រចេះ បានចុះប្រមូលនិងរឹបអូសឈើដែលគ្មានច្បាប់ ដែលជនមិនស្គាល់មុខអារផែលាក់តាមព្រៃ ដោយពួកគេបានលាក់ដោយសម្ងាត់នៅចំណុចសណ្ដាយ ឧបសម្ព័ន្ធ ភូមិទ្រាបឃុំថ្មី ស្រុកចិត្របុរីខេត្តក្រចេះ ។ ករណីចុះបង្ក្រាបទីតាំងស្តុកឈើខាងលើនេះ កម្លាំងនគរបាលប្រឆាំងបទល្មើសសេដ្ឋកិច្ខ បានដឹកនាំកម្លាំងជំនាញចុះប្រតិបត្តិការទប់ស្កាត់និងបង្ក្រាប កាលពីថ្ងៃទី៩ ខែខែកុម្ភ: ឆ្នាំ២០២៥ ក្នុងភូមិសាស្ត្រ ឃុំ ថ្មី ស្រុកចិត្របុរីខេត្តក្រចេះ ជាប់នឹងព្រំប្រទល់ ភូមិចុងផ្លាស់ ស្រុកកែវសីមាខេត្តមណ្ឌលគិរី។ ឈើដែលបង្ក្រាបបានជាប្រភេទឈើលេខ១ ឈើផ្ចឹក និង សុក្រម មានចំនួនច្រើនជិត៤០កំណាត់ ជាប្រភេទឈើឡាំងផែ៤ជ្រុង ឬហៅថាឈើឃ្លុំ ។ បច្ចុប្បន្ន ឈើខាងលើត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្តក្រចេះ បានដឹកជញ្ជូនយកទៅរក្សាទុកបណ្ដោះអាសន្ននៅស្នងការដ្ឋាននគរបាលខេត្ត ដើម្បីកសាងសំណុំរឿងទៅតាមច្បាប់៕

លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបំភ្លឺជុំវិញករណី អ្នកសីល្បះត្រូវចោរប្លន់ នៅខណ្ឌសែនសុខ ៖ កាលពីថ្ងៃទី៩ ខែកុម្ភៈ ឆ្នាំ២០២៥ ព្រឹក ខ្ញុំឃើញផេកមួយបង្ហោះថា សូមប្រុងប្រយ័ត្ន តាមផ្លូវក្នុងខណ្ឌសែនសុខពេលយប់ អ្នកសីល្បះត្រូវចោរប្លន់ច្រើន!ខ្ញុំបានឲ្យសមត្ថកិច្ចស្រាវជ្រាវថាមិនមានករណីនេះកើតឡើងទេ។ អ្នកនាំពាក្យស្នងការដ្ឋានបង្ហោះប្រាប់ថាបើមានបញ្ហាសូមឱ្យមកប្ដឹងកន្លែងសមត្ថកិច្ច! ចំពោះករណីខាងលើ គាត់យកម៉ូតូទៅលក់ខ្លួនឯង(បានលុយ៩៣០ដូល្លា)ហើយកុហក ក្រុមគ្រួសារថាត្រូវចោរប្លន់ បំពុលសង្គម តើត្រូវគិតយ៉ាងម៉េចវិញ? តើត្រូវឱ្យសមត្ថកិច្ចជួយអប់រំគាត់ ឬត្រូវចេញមុខបកស្រាយយ៉ាងណាជូនមហាជនដើម្បីជៀសវាងការភ័យខ្លាចដែលខ្លួនបានបំភ្លៃការពិតតាមផេកនោះ? សូមចូលរួមសហការណ៍ជាមួយសមត្ថកិច្ចយើងខ្ញុំដើម្បីសុខសុវត្ថិភាពប្រជាពលរដ្ឋក្នុងមូលដ្ឋាន៕